ಖಾಸಗಿ ಕಂಪನಿಯಲ್ಲಿ ಭಾರೀ ಹೂಡಿಕೆ ಮಾಡಿದ ನಟಿ ನಯನತಾರಾ

ಚಿತ್ರದ್ಯೋಮದಲ್ಲೂ ಭಾರೀ ಹೂಡಿಕೆ

ಚೆನ್ನೈ: ದಕ್ಷಿಣ ಭಾರತದ ಬಹುಬೇಡಿಕೆಯ ನಟಿ ನಯನತಾರಾ ಇದೀಗ ನಟನೆಯ ಜತೆಗೆ ಉದ್ಯಮದಲ್ಲೂ ಮುಂದಡಿ ಇಡುತ್ತಿದ್ದಾರೆ.

ಕನ್ನಡದಲ್ಲಿ ಉಪೇಂದ್ರ ಜತೆ ʼಸೂಪರ್‌ʼ ಸೇರಿದಂತೆ ತೆಲುಗು, ತಮಿಳು, ಮಲಯಾಳಂ, ಹಿಂದಿ ಚಿತ್ರರಂಗಗಳಲ್ಲಿ ಬ್ಯುಸಿಯಾಗಿರುವ ಅವರು, ಸಿನಿಮಾ ನಿರ್ಮಾಣದಲ್ಲಿ ತೊಡಗಿರುವುದರ ಜತೆಯಲ್ಲಿಯೇ ಇತರೆ ಉದ್ಯಮದಲ್ಲೂ ಭಾರೀ ಹೂಡಿಕೆ ಮಾಡುತ್ತಿದ್ದಾರೆಂದು ಮೂಲಗಳು ತಿಳಿಸಿವೆ

ತಮ್ಮ ಗೆಳೆಯ, ನಿರ್ದೇಶಕ ವಿಘ್ನೇಶ್ ಶಿವನ್ ಅವರೊಂದಿಗೆ ಸೇರಿ ಉದ್ಯಮ ಒಂದನ್ನು ಆರಂಭಿಸುವ ಯೋಚನೆಯನ್ನು ನಯನತಾರಾ ಹೊಂದಿದ್ದು, ಭವಿಷ್ಯದ ದಿನಗಳಲ್ಲಿ ವಿವಿಧ ಉದ್ಯಮಗಳಲ್ಲಿ ಹೂಡಿಕೆ ಮಾಡಲು ಅವರು ಉದ್ದೇಶಿಸಿದ್ದಾರೆ ಎನ್ನಲಾಗಿದೆ.

ಮೂಲಗಳ ಪ್ರಕಾರ; ನಯನತಾರಾ ಮತ್ತು ವಿಘ್ನೇಶ್ ಅವರಿಬ್ಬರು ತೈಲ ಕಂಪನಿಯಲ್ಲಿ ಒಟ್ಟಿಗೆ 100 ಕೋಟಿ ರೂ. ಹೂಡಿಕೆ ಮಾಡಿದ್ದಾರೆ ಎಂದು ಹೇಳಲಾಗಿದೆ. ಆದರೆ, ಈ ಬಗ್ಗೆ ಸ್ವತಃ ನಯನತಾರಾ ಅವರು ಅಧಿಕೃತ ಹೇಳಿಕೆ ನೀಡಿಲ್ಲ.