ಚುನಾವಣಾ ಬಾಂಡ್‌ ವ್ಯವಹಾರ; ಬಿಜೆಪಿ ಅತಿದೊಡ್ಡ ಫಲಾನುಭವಿ!

ಕಾಂಗ್ರೆಸ್‌ ಪಕ್ಷವನ್ನೇ ಹಿಂದಿಕ್ಕಿದ ಮಮತಾ ಬ್ಯಾನರ್ಜಿ ಅವರ ತೃಣಮೂಲ ಕಾಂಗ್ರೆಸ್;‌ ಬಿಜೆಪಿ ಸ್ವೀಕರಿಸಿದ ಮೊತ್ತವೆಷ್ಟು?

ಬೆಂಗಳೂರು: ಚುನಾವಣಾ ಬಾಂಡ್‌ ವ್ಯವಹಾರ ಹಗರಣದ ರೂಪ ಪಡೆದುಕೊಳ್ಳುತ್ತಿದ್ದು, ಕೇಂದ್ರದಲ್ಲಿರುವ ಆಡತಾರೂಢ ಬಿಜೆಪಿ ಪಕ್ಷ ₹6,986.5 ಕೋಟಿ ಸ್ವೀಕರಿಸಿದೆ. ಎರಡನೇ ಸ್ಥಾನದಲ್ಲಿ ತೃಣಮೂಲ ಕಾಂಗ್ರೆಸ್‌ ಇದೆ. ಅದು ₹1,397 ಕೋಟಿ ಸ್ವೀಕರಿಸಿದೆ. ಮೂರನೇ ಸ್ಥಾನದಲ್ಲಿ ಕಾಂಗ್ರೆಸ್‌ ಇದೆ.

ಚುನಾವಣಾ ಬಾಂಡ್‌ಗಳ ಪ್ರಮುಖ ಖರೀದಿದಾರ ಫ್ಯೂಚರ್ ಗೇಮಿಂಗ್ & ಹೋಟೆಲ್ ಸರ್ವೀಸಸ್ ಕಂಪನಿ ತಮಿಳುನಾಡಿನ ಆಡಳಿತಾರೂಢ ಡಿಎಂಕೆಗೆ ರದ್ದಾದ ಪಾವತಿ ವಿಧಾನದ ಮೂಲಕ ₹509 ಕೋಟಿ ದೇಣಿಗೆ ನೀಡಿದೆ!

ಚುನಾವಣಾ ಬಾಂಡ್‌ಗಳ ಬಹುದೊಡ್ಡ ಫಲಾನುಭವಿ ಪಕ್ಷ ಬಿಜೆಪಿಯಾಗಿದೆ. 2018ರಲ್ಲಿ ಈ ಬಾಂಡ್‌ ಗಳನ್ನು ಪರಿಚಯಿಸಿದಾಗಿನಿಂದ ಆ ಪಕ್ಷವು ಅತ್ಯಂತ ಹೆಚ್ಚು ಮೊತ್ತ, ಅಂದರೆ; ₹6,986.5 ಕೋಟಿ ಸ್ವೀಕರಿಸಿದೆ.

ಉಳಿದಂತೆ ಮಮತಾ ಬ್ಯಾನರ್ಜಿ ನೇತೃತ್ವದ ಪಶ್ಚಿಮ ಬಂಗಾಳದ ಆಡಳಿತಾರೂಢ ಪಕ್ಷ ತೃಣಮೂಲ ಕಾಂಗ್ರೆಸ್ ₹1,397 ಕೋಟಿ ಹಾಗೂ ಕಾಂಗ್ರೆಸ್ ₹1,334.35 ಕೋಟಿ, ತೆಲಂಗಾಣದ ಕೆ.ಚಂದ್ರಶೇಖರ ರಾವ್‌ ಅವರ ನೇತೃತ್ವದ ಭಾರತ್‌ ರಾಷ್ಟ್ರ ಸಮಿತಿ (ಬಿಆರ್‌ಎಸ್) ₹1,322 ಕೋಟಿ ಸ್ವೀಕಾರ ಮಾಡಿದೆ.

ಒಡಿಶಾದ ಆಡಳಿತಾರೂಢ ಪಕ್ಷ ಬಿಜೂ ಜನತಾದಳ (ಬಿಜೆಡಿ) ₹944.5 ಕೋಟಿ ಸ್ವೀಕರಿಸಿ ದೇಶದಲ್ಲೇ 4ನೇ ಅತಿಹೆಚ್ಚು ಚುನಾವಣಾ ಬಾಂಡ್ ಸ್ವೀಕರಿಸಿದ ಪಕ್ಷವಾಗಿದೆ. ನಂತರದ ಸ್ಥಾನದಲ್ಲಿ ಡಿಎಂಕೆ ₹656.5 ಕೋಟಿ ನಗದೀಕರಿಸಿದೆ. ಆಂಧ್ರ ಪ್ರದೇಶದ ಆಡಳಿತಾರೂಢ ಪಕ್ಷ ವೈಎಸ್ಆರ್ ಕಾಂಗ್ರೆಸ್ ₹442.8 ಕೋಟಿ ಮೊತ್ತದ ಬಾಂಡ್‌ಗಳನ್ನು ಸ್ವೀಕರಿಸಿದೆ ಎಂದು ಗೊತ್ತಾಗಿದೆ.

ಇನ್ನು ಜೆಡಿಎಸ್ ₹89.75 ಕೋಟಿ ಮೌಲ್ಯದ ಬಾಂಡ್‌ಗಳನ್ನು ಸ್ವೀಕರಿಸಿದೆ, ಇದರಲ್ಲಿ ಬಾಂಡ್‌ಗಳ ಎರಡನೇ ಅತಿದೊಡ್ಡ ಖರೀದಿದಾರ ಮೇಘಾ ಎಂಜಿನಿಯರಿಂಗ್‌ನಿಂದ 50 ಕೋಟಿ ರೂಪಾಯಿ ಸಂಗ್ರಹವಾಗಿದೆ.

ಡಿಎಂಕೆಗೆ ಸಿಂಹಪಾಲು

ತಮಿಳುನಾಡು ಸೇರಿ ವಿವಿಧ ಭಾಗಗಳಲ್ಲಿ ಲಾಟರಿ ಸಾಮ್ರಾಜ್ಯವನ್ನೇ ಹೊಂದಿರುವ ಸ್ಯಾಂಟಿಯಾಗೊ ಮಾರ್ಟಿನ್ ಅವರ ಭವಿಷ್ಯದ ಗೇಮಿಂಗ್ ನ ₹1,368 ಕೋಟಿ ಮೊತ್ತದ ಚುನಾವಣಾ ಬಾಂಡ್‌ಗಳ ಅತಿದೊಡ್ಡ ಖರೀದಿದಾರರಾಗಿದ್ದು, ಅದರಲ್ಲಿ ಶೇ.37ರಷ್ಟು ಪಾಲು ಡಿಎಂಕೆ ಪಕ್ಷಕ್ಕೇ ಮುಟ್ಟಿದೆ!

ಡಿಎಂಕೆ ಪಕ್ಷದ ಇತರೆ ಪ್ರಮುಖ ದಾನಿಗಳಲ್ಲಿ ಮೇಘಾ ಎಂಜಿನಿಯರಿಂಗ್ ಕಂಪನಿಯ ₹105 ಕೋಟಿ, ಇಂಡಿಯಾ ಸಿಮೆಂಟ್ಸ್ ನ ₹14 ಕೋಟಿ , ಸನ್ ಟಿವಿ ₹100 ಕೋಟಿ ಕೂಡ ಸೇರಿಕೊಂಡಿದೆ. ಬಂಗಾಳದ ತೃಣಮೂಲ ಕಾಂಗ್ರೆಸ್‌ ಪಕ್ಷ ಈ ಬಾಂಡ್‌ಗಳ ಮೂಲಕ ₹1,397 ಕೋಟಿ ಸ್ವೀಕರಿಸಿದೆ.

ಗಮನಾರ್ಹ ಅಂಶವೆಂದರೆ; ದಾನಿಗಳ ಗುರುತನ್ನು ಬಹಿರಂಗಪಡಿಸಿದಿರುವ ಕೆಲ ರಾಜಕೀಯ ಪಕ್ಷಗಳಲ್ಲಿ ಡಿಎಂಕೆ ಕೂಡ ಸೇರಿದೆ! ಅಲ್ಲದೆ; ಬಿಜೆಪಿ, ಕಾಂಗ್ರೆಸ್, ಟಿಎಂಸಿ ಮತ್ತು ಎಎಪಿ ಸೇರಿ ಇನ್ನೂ ಕೆಲ ಪಕ್ಷಗಳು ಈ ವಿವರಗಳನ್ನು ಚುನಾವಣೆ ಆಯೋಗಕ್ಕೆ ಬಹಿರಂಗಪಡಿಸಲಿಲ್ಲ!

ಇದಲ್ಲದೆ; ತೆಲುಗುದೇಶಂ ₹181.35 ಕೋಟಿ, ಶಿವಸೇನೆ ₹60.4 ಕೋಟಿ, ಆರ್‌ಜೆಡಿ ₹56 ಕೋಟಿ, ಸಮಾಜವಾದಿ ಪಕ್ಷ ₹14.05 ಕೋಟಿ, ಅಕಾಲಿದಳ ₹7.26 ಕೋಟಿ, ಎಐಎಡಿಎಂಕೆ ₹6.05 ಕೋಟಿ, ನ್ಯಾಷನಲ್ ಕಾನ್ಫರೆನ್ಸ್ ಕೇವಲ ₹50 ಲಕ್ಷ ಮೌಲ್ಯದ ಬಾಂಡ್‌ಗಳನ್ನು ಸ್ವೀಕರಿಸಿವೆ.

ಕರ್ನಾಟಕದ ಜೆಡಿಎಸ್ ಪಕ್ಷವು ₹89.75 ಕೋಟಿಮೊತ್ತದ ಬಾಂಡ್‌ಗಳನ್ನು ಸ್ವೀಕರಿಸಿದ್ದು, ಈ ಬಾಬತ್ತಿನಲ್ಲಿ ಬಾಂಡ್‌ಗಳ ಎರಡನೇ ಅತಿದೊಡ್ಡ ಖರೀದಿದಾರ ಮೇಘಾ ಎಂಜಿನಿಯರಿಂಗ್‌ನಿಂದ ₹50 ಕೋಟಿ ಪಡೆದುಕೊಂಡಿದೆ.

ಕೊನೆಗೆ ಕಮ್ಯುನಿಸ್ಟ್‌ ಪಕ್ಷ (ಸಿಪಿಎಂ) ಬಾಂಡ್‌ಗಳ ಮೂಲಕ ಹಣ ಸ್ವೀಕರಿಸುವುದಿಲ್ಲ ಎಂದು ಈಗಾಗಲೇ ಘೋಷಿಸಿದೆ.