ಹುಷಾರು! ಬೈಕು ಹತ್ತುವ ಮುನ್ನ ಎಚ್ಚರ!!
by Sidhu Devanahalli
ದೇವನಹಳ್ಳಿ: ಅದು ಹೀರೋ ಹೊಂಡಾ ಬೈಕು. ಯುವಕನೊಬ್ಬ ತನ್ನ ಪಾಡಿಗೆ ಪಟ್ಟಣದ ಸಮೀಪದಲ್ಲೇ ಅದೇ ಬೈಕಿನಲ್ಲಿ ತೆರಳುತ್ತಿದ್ದ. ಇದ್ದಕ್ಕಿದ್ದಂತೆ ಗಾಬರಿ ಬಿದ್ದು ಬೈಕು ನಿಲ್ಲಿಸಿದ.
ವಿಷಯ ಅದಲ್ಲ, ಆತನ ಬೈಕಿನಲ್ಲಿ ಬುಸುಬುಸು ನಾಗಪ್ಪ ಅದ್ಹೇಗೋ ಅವಿತು ಕುಳಿತಿದ್ದ. ನಾಗರಹಾವಿನ ಬಾಲದ ಸ್ಪರ್ಶದಿಂದ ಎಚ್ಚೆತ್ತುಕೊಂಡ ಯುವಕ ಸಕಾಲಕ್ಕೆ ಬೈಕು ನಿಲ್ಲಿಸಿ ಅಪಾಯದಿಂದ ಪಾರಾಗಿದ್ದಾನೆ.
ದೇವನಹಳ್ಳಿ ರಸ್ತೆಯಲ್ಲಿ ತೆರಳುತ್ತಿದ್ದ ಬೈಕ್ ನಲ್ಲಿ ನಾಗರಹಾವು ಪ್ರತ್ಯಕ್ಷವಾಗಿದೆ. ಬಹುಶಃ ಅದು ಬೈಕನ್ನು ನಿಲ್ಲಿಸಿದ್ದ ಸಂದರ್ಭದಲ್ಲಿ ಅದರಲ್ಲಿ ಹೊಕ್ಕಿರಬಹುದು. ಹಾವು ಕಂಡು ಹೌಹಾರಿದ ಬೈಕ್ ಸವಾರ ದೇವನಹಳ್ಳಿ ಪಟ್ಟಣದ ಶಿರಡಿ ಆಸ್ಪತ್ರೆ ಬಳಿ ಬೈಕ್ ನಿಲ್ಲಿಸಿ, ಹಾವು ಹಾವು ಅಂತ ಕೂಗಿಕೊಂಡ ಸವಾರ,
ತಕ್ಷಣ ಅಲ್ಲಿಗೆ ಧಾವಿಸಿದ ಬೈಕ್ ರೀಪೇರಿದಾರನಿಂದ ಹಾವಿಗಾಗಿ ಶೋಧ ನಡೆಯಿತು. ಬೈಕ್ʼನ ಎಲ್ಲ ಭಾಗಗಳನ್ನು ಬಿಚ್ಚಿ ಹಾವಿಗಾಗಿ ಹುಡುಕಾಟ ನಡೆಸಿದ. ಕೊನೆಗೆ ಬೈಕಿನ ಪೆಟ್ರೋಲ್ ಟ್ಯಾಂಕ್ ಕೆಳಗೆ ನಾಗರ ಹಾವು ಅವಿತಿತ್ತು, ಅದು ಕೂಡ ಬೈಕು ಚಲಿಸುತ್ತಿದ್ದ ಕಾರಣದಿಂದ ಹೊರಗೆ ಬರಲಾಗದೆ ಪೆಟ್ರೋಲ್ ಟ್ಯಾಂಕ್ ಕೆಳಗೆಯೇ ಇತ್ತು. ಮೆಕಾನಿಕ್‌ ಗಾಡಿಯ ಭಾಗಗಳನ್ನು ಬಿಚ್ಚುವಾಗಲೂ ಅದು ಹೊರಬರಲೇ ಇಲ್ಲ.
ಸುಮಾರು ಒಂದು ಗಂಟೆ ಕಾಲ ಹರಸಹಾಸಪಟ್ಟ ಮೇಲೆ ಬೈಕ್ʼನಿಂದ ಹಾವು ಹೊರಗೆ ಬಂದಿತು. ಉಳಿದೆಯಾ ಬಡಜೀವ ಎನ್ನುವಂತೆ ಬೈಕ್ ಸವಾರ ನಿಟ್ಟುಸಿರು ಬಿಟ್ಟ, ಹಾವನ್ನು ಸುರಕ್ಷಿತವಾಗಿ ಹಿಡಿದು ಅರಣ್ಯ ಪ್ರದೇಶಕ್ಕೆ ಬಿಡಲಾಯಿತು.
