ಯಶ್‌ ಆಣಿಮುತ್ತಿನಂಥ ವ್ಯಕ್ತಿ

ಅಗಾಧ ಪ್ರತಿಭಾವಂತ ಮತ್ತು ಅತ್ಯಂತ ಸೂಕ್ಷ್ಮ ಮನಸ್ಸಿನ ನಟ ಎಂದ ಬಾಲಿವುಡ್‌ ನಟಿ ರವೀನಾ ಟಂಡನ್

• ಮೊದಲ ಬಾರಿಗೆ ಯಶ್ ಅವರ ಜತೆ ನಟಿಸಿದ್ದೀರಿ. ನಿಮ್ಮ ಅನುಭವ ಹೇಗಿತ್ತು?

ಖಂಡಿತಾ ಅದ್ಭುತ ಅನುಭವ ಎನ್ನಬಹುದು. ಯಶ್ ನಿಜವಾಗಿಯೂ ಒಳ್ಳೆಯ ಹಾಗೂ ಆಣಿಮುತ್ತಿನಂಥ ವ್ಯಕ್ತಿ. ತುಂಬಾ ಪ್ರತಿಭಾವಂತರು ಹಾಗೂ ಅಷ್ಟೇ ಸೂಕ್ಷ್ಮವಾದ ನಟ ಕೂಡ. ಅವರ ಜತೆ ಕೆಲಸ ಮಾಡಿದ್ದು ನಿಜಕ್ಕೂ ಸಂತಸ ಉಂಟು ಮಾಡಿದೆ.

• ಈ ಚಿತ್ರದಲ್ಲಿ ನಿಮ್ಮ ಪಾತ್ರದ ಬಗ್ಗೆ ಸ್ವಲ್ಪ ಹೇಳಿ?

ನಾನು ಪಾತ್ರದ ಬಗ್ಗೆ ಹೆಚ್ಚು ಹೇಳಲಾರೆ. ಏಕೆಂದರೆ ಅದು ಸಾಕಷ್ಟು ಆಸಕ್ತಿದಾಯಕ ಮತ್ತು ವಿಭಿನ್ನ ಪಾತ್ರವಾಗಿದೆ. ರಮಿಕಾ ಸೇನ್ ಎಂಬ ಪಾತ್ರ ಸಾಕಷ್ಟು ಸಂಕೀರ್ಣತೆಯುಳ್ಳ ಮತ್ತೂ ಅಷ್ಟೇ ಶಕ್ತಿಶಾಲಿ ಪಾತ್ರ. ನನ್ನ ಪಾತ್ರದ ಬಗ್ಗೆ ಊಹಿಸಲು ಸಾಧ್ಯವಾಗುವುದಿಲ್ಲ.

• ನೀವು ಯಶ್‌ ಅವರೊಂದಿಗೆ ತೆರೆ ಹಂಚಿಕೊಳ್ಳುತ್ತಿರುವುದನ್ನು ನೋಡಿ ನಿಮ್ಮ ಅಭಿಮಾನಿಗಳು ನಿಜವಾಗಿಯೂ ಖುಷಿಯಾಗಿದ್ದಾರೆ. ಅವರಿಂದ ನಿಮಗೆ ಯಾವ ರೀತಿಯ ಪ್ರತಿಕ್ರಿಯೆ ಸಿಕ್ಕಿದೆ?

ತುಂಬಾ ಪ್ರತಿಕ್ರಿಯೆಗಳು ಬಂದಿವೆ. ಈ ಚಿತ್ರದಲ್ಲಿ ನಾನು ಹೇಗೆ ಕಾಣುತ್ತೇನೆ ಎಂಬ ನಿರೀಕ್ಷೆಯಲ್ಲಿದ್ದಾರೆ. ಅವರೆಲ್ಲರೂ ʼಕೆಜಿಎಫ್‌ ಚಾಪ್ಟರ್‌-1ʼ ಚಿತ್ರಕ್ಕೆ ಅಭಿಮಾನಿಗಳಿದ್ದಾರೆ, ಹಾಗೂ 2ನೇ ಭಾಗವನ್ನು ನೋಡಲು ಕಾತರರಾಗಿದ್ದಾರೆ. ಈ ಚಿತ್ರದಲ್ಲಿನ ನನ್ನ ಫಸ್ಟ್‌ಲುಕ್‌ ಅನ್ನು ನನ್ನ ಅಭಿಮಾನಿಗಳು ಇಷ್ಟಪಟ್ಟಿದ್ದಾರೆ. ಅವರು ರಮಿಕಾ ಸೇನ್‌ ಅವರನ್ನು ಪರದೆಯ ಮೇಲೆ ನೋಡಲು ಖಂಡಿತಾ ಕಾತುರತೆಯಿಂದ ಕಾಯುತ್ತಿದ್ದಾರೆಂಬ ನಂಬಿಕೆ ನನ್ನದು.

• ಈ ಚಿತ್ರದಲ್ಲಿ ಕೆಲ ಆಕ್ಷನ್‌ ಸನ್ನಿವೇಶಗಳಲ್ಲಿ ಕಾಣಿಸಿಕೊಳ್ಳುತ್ತೀರಾ? ಹಾಗಿದ್ದರೆ ಆ ದೃಶ್ಯಗಳು ಹೇಗಿವೆ?

ಎಲ್ಲವೂ ಅದ್ಭುತವಾಗಿ ಮೂಡಿ ಬಂದಿವೆ. ನೀವು ಆ ದೃಶ್ಯಗಳನ್ನು ತೆರೆಯ ಮೇಲೆಯೇ ನೋಡಿಯೇ ಆನಂದಿಸಬೇಕು?

• ಈ ಚಿತ್ರದಲ್ಲಿ ನಟಿಸಲು ಕಾರಣವೇನು? ಹೇಗೆ ಒಪ್ಪಿಕೊಂಡಿರಿ?

ಚಿತ್ರದ ಕಥೆ ನನಗೆ ಇಷ್ಟವಾಯಿತು, ತುಂಬಾ ಪ್ರಭಾವಿತನಾಗಿದೆ ಕೂಡ. ನಾನು ಮೊದಲ ಭಾಗವನ್ನು ನೋಡುವ ಮೊದಲೇ ಪ್ರಶಾಂತ್ (ನೀಲ್) ನನಗೆ ಸ್ಕ್ರಿಪ್ಟ್ ಬಗ್ಗೆ ಹೇಳಿದ್ದರು. ನಾನು ಆ ಚಿತ್ರವನ್ನು ನೋಡಿದೆ. ಅದೊಂದು ಹೊಸ ಬಗೆಯ ಸಿನಿಮಾ ಆಗಿತ್ತು. ಅತ್ಯುತ್ತಮ ಕಥೆ ಹಾಗೂ ಹೊಸ ರೀತಿಯ ನಿರೂಪಣೆಯೊಂದಿಗೆ ಚಾಪ್ಟರ್‌-೧ ನನ್ನನ್ನು ಸೆಳೆದಿತ್ತು. ಚಾಪ್ಟರ್-2 ಕೂಡ ಹಾಗೆಯೇ ಮೂಡಿ ಬರುವುದು ಖಚಿತ. ನನ್ನ ಪಾತ್ರವೂ ತುಂಬಾ ಚೆನ್ನಾಗಿದೆ.

• ಪ್ರಶಾಂತ್ ನೀಲ್ ಮತ್ತು ಹೊಂಬಾಳೆ ಫಿಲ್ಮ್ಸ್ ಜೊತೆ ಕೆಲಸ ಮಾಡುವಾಗ ನಿಮಗೆ ಹಿಡಿಸಿದ ಅಂಶಗಳು ಯಾವುವು?

ಪ್ರಶಾಂತ್ ಅವರಿಗೆ ಅತ್ಯುತ್ತಮ ಪರಿಕಲ್ಪನೆಗಳಿವೆ. ಅವರ ಸಾಮರ್ಥ್ಯ ಅಗಾಧ. ಅದು ಬಹಳ ವಿಶೇಷ. ಯಾವುದೇ ಸಂದರ್ಭದವನ್ನು ಶಾಂತವಾಗಿ ನಿಭಾಯಿಸುವುದು ಅವರ ಹೆಚ್ಚುಗಾರಿಕೆ. ಹಾಗೆಯೇ ಹೊಂಬಾಳೆ ಬ್ಯಾನರ್‌ ಕೂಡ ಅತ್ಯುತ್ತಮವೇ.

• ಈ ಸುದ್ದಿಯನ್ನು ಓದಲು ಕೆಳಗಿನ ಲಿಂಕ್‌ ಕ್ಲಿಕ್‌ ಮಾಡಿ…